Mayın 3-nə keçən gecə Rusiyanın Krasnodar diyarının Taman limanı yaxınlığındakı “Tamannefteqaz” neft bazasında güclü yanğın baş verib.

Taman yarımadasını Kerç yarımadası ilə birləşdirən Krım körpüsündən təxminən 15 km aralıda yerləşir.

Yanğına ən yüksək çətinlik dərəcəsi verilib. İlkin məlumata görə, ölən və xəsarət alan yoxdur. Söndürmə işlərinə 5 yanğınsöndürən qatar olmaqla 190-a yaxın adam cəlb olunub.

TASS fövqəladə hallar xidmətindəki mənbələrə istinadən xəbər verir ki, pilotsuz təyyarənin qəzaya uğraması nəticəsində neft məhsulları olan çən yanıb. “Tamannefteqaz” ASC-nin ərazisində neft məhsulları olan çənin yanğını pilotsuz uçan aparatın düşməsi nəticəsində baş verib”, - agentliyin həmsöhbəti bildirib.

Onun sözlərinə görə, yanğın sahəsi demək olar ki, 1,25 min kvadratmetrdir. 

Tərcümə: Nigar