Rusiya Prezidenti Vladimir Putin Ukraynanın işğal altındakı Xerson vilayətinə səfər edib, “Dnepr” qoşun qruplaşmasının qərargahında olub. Oxu24.com TASS-a istinadən xəbər verir ki, məlumatı aprelin 18-də Rusiya Prezidentin Mətbuat xidməti yayıb. V.Putin hərbçilərlə müşavirə keçirib, “Dnepr” qoşun qruplaşmasının komandanı general-polkovnik Oleq Makareviçin, Hava-Desant Qoşunlarının komandanı general-polkovnik Mixail Teplinskiyin və başqa hərbi rəislərin məruzələrini dinləyib. Bu, V.Putinin Ukraynanın Xerson vilayətində keçirdiyi ilk müşavirədir. O, martın 19-da Rusiyanın ilhaq etdiyi Ukraynanın Mariupol şəhərində olub. Miri Məcidli Oxu24.com