İsveç ən azı sentyabr ayına qədər NATO-ya üzv olmayacaq.

Oxu24.com xəbər  verir   ki, bu barədə Sveriges radiosu məlumat yayıb.

İsveç radiosunun məlumatına görə, türk millət vəkillərinin iyundan sentyabr ayına qədər davam edən yay tətilindən əvvəl İsveçin alyansa daxil olması məsələsini müzakirə etmək ehtimalı azdır.

Qeyd olunur ki, Finlandiya NATO-ya daxil olduqdan sonra ABŞ, Fransa və Böyük Britaniyadan Türkiyəyə təzyiqlər artıb. Bundan əlavə, Norveç İsveçin ərizəsini ratifikasiya etməyən ölkələri qərarlarını dəyişməyə inandırmağa çalışır.

İsveç NATO-ya üzv olmaq üçün ərizəsini 2022-ci il mayın 18-də təqdim edib. Bu ilin əvvəlində Türkiyə ilə İsveç arasında Stokholmdakı Türkiyə səfirliyi yaxınlığında Quranın yandırılması ilə bağlı qalmaqal yaranmışdı. Türkiyə prezidenti Rəcəb Tayyib Ərdoğan bildirib ki, İsveçin bu və digər anti-Türkiyə hərəkətlərindən sonra Ankaranın NATO-ya üzv olmaq ərizəsinə dəstək verməsini gözləmək lazım deyil.

Tərcümə:Miri Məcidli