FSB İŞİD liderlərindən birini həbs edib

Rusiya Federal Təhlükəsizlik Xidməti Moskva və Novosibirskdə terror aktları planlaşdıran İŞİD liderlərindən birini saxlayıb.

Oxu24.com xəbər verir  ki, FTX-nin mətbuat xidmətinin məlumatına görə, saxlanılan şəxs 1989-cu il təvəllüdlü ,Tacikistan vətəndaşı Nazarov T. M. olub.

FTX qeyd edib ki, dəstə rəhbəri Tacikistan vətəndaşlarını İŞİD-in sıralarına cəlb edib, həmçinin partlayıcı qurğuların, odlu silahların və döyüş sursatlarının qanunsuz istehsalı, əldə edilməsi və saxlanmasını təşkil edib.

Rusiya FTX-nin xarici tərəfdaşları ilə qarşılıqlı əlaqə nəticəsində Nazarov T.M. Suriya, sonra Rusiyaya təhvil verilib.

Keçirilən əməliyyat tədbirləri zamanı qruplaşmanın  tərkibində olan terrorçular saxlanılaraq məsuliyyətə cəlb ediliblər.

 

Tərcümə:Miri Məcidli