Türkiyə  70 min Ahıska türkünə vətəndaşlıq verib

Türkiyənin Xarici işlər naziri Mövlud Çavuşoğlu Türkiyədə 70 min Ahıska türkünə vətəndaşlıq verdiklərini və hazırda Türkiyədə yaşayan bütün Ahıska türklərinə vətəndaşlıq veriləcəyini bildirib.

 

Oxu24.com xəbər verir  ki, Antalyadan AK Partiya millət vəkili namizədi irəli sürülən Çavuşoğlu Dünya Ahıska Türkləri Birliyinin Atatürk Şəhər Meydanında təşkil etdiyi iftar proqramında etdiyi çıxışında dünyanın harasına getsə, soydaşları, qohumları ilə bir yerdə olduqlarını bildirib. 

 

Türkiyədə baş verən zəlzələdən sonra Ahıska türklərinin, azərbaycanlıların, Krım tatarlarının, qazaxların, türkmənlərin, qırğızların, özbəklərin və Balkanlardakı bütün dostların səfərbər olduqlarını ifadə edən Çavuşoğlu köməyə görə təşəkkür edib.

 

Türkiyənin hər şəraitdə Ahıska türklərinin yanında olduğunu bildirən Çavuşoğlu epidemiya zamanı Ahıska xalqına lazımi yardımı göndərdiklərini, Ukrayna müharibəsi zamanı 6 minə yaxın Ahıska türkünü Türkiyəyə gətirdiklərini xatırladıb.

 

Tərcümə: Miri Məcidli