Qazaxıstan Ukraynada döyüşən vətəndaşlara qarşı cinayət işi açıb

Qazaxıstan hakimiyyəti Ukrayna ərazisində müharibədə iştirak etmiş ölkə vətəndaşlarına qarşı 10 cinayət işi açıb.

Oxu24.com xəbər  verir  ki, bu barədə KazTAG Milli Təhlükəsizlik Komitəsinin mətbuat xidmətinə istinadən məlumat yayıb.

Hazırda vətəndaşların hansı tərəfdə vuruşduğu və işlərdə kimlərin müttəhim olduğu məlum deyil.

Qazaxıstanın Cinayət Məcəlləsinə əsasən, xarici silahlı münaqişələrdə iştiraka görə 5 ildən 9 ilə qədər həbs cəzası nəzərdə tutulur.

Rusiya qanunvericiliyi Rusiya Silahlı Qüvvələrində və “digər qoşunlarda” xidmət etmək üçün müqavilə bağlamış əcnəbi vətəndaşların sadələşdirilmiş qaydada Rusiya vətəndaşlığını almaq imkanını nəzərdə tutur. Müvafiq qanunu 2022-ci ilin sentyabrında prezident Vladimir Putin imzalayıb. Bunun üçün ən azı bir il müddətinə müqavilə bağlamalı və ən azı altı ay döyüş əməliyyatlarında iştirak etməlisiniz.

 

Tərcümə: Miri Məcidli