Ukraynanın müharibədəki itkiləri Türkiyədə fevral ayında baş vermiş zəlzələ qurbanlarının sayından azdır.

Oxu24.com xəbər  verir   ki,bu sözləri İspaniyanın “La Razon” qəzetinə müsahibəsində Ukraynanın müdafiə naziri Aleksey Reznikov deyib.

"Əlbəttə, itkilərimiz var, çünki biz müharibədəyik. Amma onlar Rusiyadan kritik dərəcədə kiçikdir. Mən sizə bir rəqəm deyə bilmərəm, amma sizi əmin edə bilərəm ki, ümumi sayı zəlzələ nəticəsində ölənlərin sayından azdır. Türkiyədə (son məlumatlara görə, Türkiyədə zəlzələlər nəticəsində 50 090 nəfər ölüb – red.)” deyə o bildirib.

Reznikov vurğulayıb ki, Ukrayna hərbi komandanlığının əsas vəzifəsi əsgərlərin həyatını xilas etməkdir, Rusiya isə öz ordusundan top yemi kimi istifadə edir.

Bundan əvvəl Ukraynanın hərbi-siyasi rəhbərliyi açıq şəkildə bəyan etmişdi ki, itkilərin dəqiq sayı yalnız müharibədən sonra açıqlanacaq.

Tərcümə: Miri Məcidli