Cənubi Amerika ölkəsi Ekvadorda həbsxanada rəqib dəstələr arasında baş verən qarşıdurmada ilkin məlumatlara görə 12 məhbus ölüb, 3-ü yaralanıb.

Həbsxana müdiri Ronald Sançez mətbuata verdiyi açıqlamada həbsxanaya çoxlu təhlükəsizlik qüvvələrinin göndərildiyini və nəzarətə cəhd edildiyini bildirib.

Sosial mediada əks olunan görüntülərdə qarşıdurma səslərinin eşidilməsi və bəzi məhbusların yaralı halda həbsxanadan çıxarıldığı görünür.

Ekvadorda 30 min tutumlu 65 həbsxanada təxminən 39 min məhbus var. Dəstələr arasında baş verən hadisələr bəzən ölümcül üsyanla nəticələnir.

Ötən ildən bəri ölkədə rəqib dəstələr arasında baş verən zorakılıqlarda 460-dan çox məhbus həyatını itirib.

Tərcümə:Aynurə Məcidova