İsrail Ukraynaya humanitar yardım edir, lakin bu dövlətin rəhbərliyi Kiyevə silah tədarükü ilə bağlı heç bir qərar qəbul etməyib.

Oxu24.com-un  xəbərinə görə, bu barədə İsrailin baş naziri Benyamin Netanyahu məlumat verib.

Pentaqonun sənədləri internetdə dərc edildikdən sonra o, jurnalistlərin suallarını cavablandırmalı olub. Şəbəkəyə sızan sənədlərdən birində İsrailin Ukraynaya silah ötürə biləcəyi barədə məlumatlar yer alır.

“Ukrayna üçün ölümcül silahlarla bağlı xəbərlərə gəlincə, bu xəbərlərin nəyə əsaslandığını bilmirəm. Biz onlara humanitar məsələlərdə və mülki müdafiə sahəsində kömək etmək qərarına gəlmişik”, - Netanyahu vurğulayıb

Baş nazir əlavə edib ki, onun və əvvəlki hökumətlərin öldürücü silahların tədarükü ilə bağlı hər hansı qərarı barədə eşitməyib.

Nigar