“İslam dövləti”nin lideri öldürüldü

ABŞ hərbçiləri hava hücumu zamanı Suriyada terrorçu İslam Dövlətinin liderlərindən birini məhv edib.

Oxu24.com xəbər  verir   ki,  bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

"CENTCOM qüvvələri aprelin 3-də Suriyaya hava zərbəsi endirib və nəticədə İŞİD lideri Xalid Ayad Əhməd əl-Cəburi öldürülüb", - CENTCOM-un Twitter-dəki bəyanatında deyilir.

Terrorçunun Avropada hücumların planlaşdırılmasına cavabdeh olduğu və İŞİD-in təşkilati strukturunu hazırladığı qeyd edilir.

“Hava hücumu nəticəsində mülki əhali arasında tələfat və ya xəsarət alan yoxdur”, - CENTCOM əlavə edib.

 

Tərcümə: Miri Məcidli