Rusiya nüvə təlimlərinə başlayıb

Rusiyanın Strateji Raket Qüvvələri (RVSN) Yars kompleksləri ilə təlimlərə başlayıb.

Oxu24.com xəbər  verir  ki, bu barədə Rusiya Federasiyası Müdafiə Nazirliyinin mətbuat xidməti məlumat yayıb.

“Yars” qitələrarası ballistik raketlər buraxa və 11 min km-ə qədər məsafədəki hədəfləri vura bilir. Nazirlikdən bildirilib ki, təlimlərə 3000-dən çox hərbi qulluqçu və 300-ə yaxın texnika cəlb olunub.

Manevrlər Strateji Raket Qüvvələrinin 2023-cü il üçün hazırlığı planına uyğun olaraq, “Yars” mobil yerüstü raket sistemləri ilə təchiz edilmiş Novosibirsk raket birləşmələri ilə Omsk raket birləşməsinin kompleks nəzarət yoxlanışı həyata keçirilir. 

Yarsı Rusiyanın üç regionunda sınaqdan keçiriləcək. Raketçilər Mərkəzi Hərbi Dairə və Aerokosmik Qüvvələrin birləşmələri ilə birlikdə raket sistemlərinin kamuflyajını işləyib hazırlayacaq və müasir hava kəşfiyyat vasitələrinə, o cümlədən pilotsuz təyyarələrə qarşı mübarizə aparacaq.

Yars və ya RS-24 bərk yanacaqlı qitələrarası ballistik raketə əsaslanan strateji kompleksdir. 2009-cu ildə qəbul edilib.

Kompleks çoxsaylı döyüş başlığı ilə təchiz olunub - modifikasiyadan asılı olaraq 3-dən 6-ya qədər döyüş başlığı, onların hər biri öz hədəfini vura bilir.

Raketin uçuş sürəti 14 Mach-a qədərdir və onun partlayıcı gücü bir milyon tona bərabərdir. Rusiya deyir ki, heç bir raketdən müdafiə sistemi onu vura bilməz.

Rusiyalı hərbi ekspertlər əmin edirlər ki, “Yars” Rusiya ordusu ilə böyük miqdarda xidmətdədir. Bu, Strateji Raket Qüvvələrinin ən kütləvi raket sistemidir.

 

Tərcümə: Miri Məcidli