Ukraynada  Haaqa məhkəməsinin nümayəndəliyi açılacaq

Ukraynanın baş prokuroru Andriy Kostin və Beynəlxalq Cinayət Məhkəməsinin (ICC) katibi Piter Lyuis Haaqada Ukraynada BCM-nin nümayəndəliyinin açılması haqqında saziş imzalayıblar.

oxu24.com xəbər verir  ki,   bu  barədə  Ukrayna Baş Prokurorluğu məlumat yayıb.

Məlumata görə, Kostin sənədin imzalanmasını beynəlxalq cinayətlərə görə tam məsuliyyətin təmin edilməsində növbəti addım adlandırıb.

"Bu, yalnız başlanğıcdır, lakin əlamətdar başlanğıcdır. Əminəm ki, Ukraynaya qarşı törədilmiş beynəlxalq cinayətlərə görə məsuliyyət daşıyanların hamısı məsuliyyətə cəlb olunana qədər biz dayanmayacağıq. O cümlədən Rusiya Federasiyasının kriminal rejiminin ali hərbi-siyasi rəhbərliyi",- deyə   Kostin mesajda bildirib.

"Biz Rusiyanın Ukraynaya qarşı cinayətlərinin araşdırılması və mühakimə olunmasında gələcək əməkdaşlığı səbirsizliklə gözləyirik. Mən qəti şəkildə inanıram ki, bizim birgə səylərimiz daha ədalətli dünyanın qurulmasına kömək edəcək", - deyə Ukraynanın baş prokuroru  bildirib.

 

Tərcümə: Miri Məcidli