Ukrayna Rusiya və Belarusla sərhəddə xüsusi zona yaradır

Ukrayna Rusiya və Belarusla sərhəddə xüsusi sərhəd zonası yaratmağa başlayıb.

Oxu24.com xəbər verir   ki, bu barədə Ukrayna Dövlət Sərhəd Xidmətinin spikeri Andrey Demçenko Rada telekanalının efirində bildirib.

Demçenko həmçinin qeyd edib ki, xüsusi sərhəd zonasının ərazisində torpaqdan istifadə üçün xüsusi rejim tətbiq edilib.

"Bu zonaya daxil olan torpaqlar mülkiyyət formasından asılı olmayaraq Dövlət Sərhəd Xidmətinin tabeliyinə verilir".

Demçenko bundan əvvəl məlumat vermişdi ki, ötən ilin fevralından Ukrayna istehkamların tikildiyi tanınmamış Dnestryanı ilə sərhədi möhkəmləndirir. Bu hissədə bütün keçid məntəqələri, eləcə də Rusiya Federasiyası və Belarusiya ilə sərhəddə fəaliyyət göstərmir.

 

Tərcümə: Nigar