Rusiya Qara dənizdə ABŞ PUA-sını vuran pilotları mükafatlandırıb

Rusiyanın müdafiə naziri Sergey Şoyqu Qara dənizdə ABŞ-a məxsus MQ-9 tipli pilotsuz uçuş aparatını(PUA) vuran  Rusiya döyüş təyyarələrinin pilotlarını “Şücaət” medalı ilə təltif edib.

Oxu24.com xəbər verir  ki, Rusiya Müdafiə Nazirliyindən verilən açıqlamada,  “xüsusi hərbi əməliyyat”da vəzifələrini uğurla yerinə yetirən əsgərlərə “qızıl ulduz” və “igidlik” mükafatı verdiyi bildirilib.

Nazirliyin təqdim etdiyi kadrlarda Şoyqunun hər iki pilotun üzərində nişan üzüyü taxdığı görülüb.

ABŞ-ın Avropa Qüvvələr Komandanlığı (EUCOM) martın 14-də Rusiyanın iki Su-27 təyyarəsinin Qara dənizdə ABŞ-ın MQ-9 tipli PUA-ya təcavüz etdiyini və təyyarələrdən birinin qəzaya uğraması zamanı MQ-9-un beynəlxalq sulara çırpıldığını açıqlayıb.

Rusiyanın müdafiə naziri Şoyqu və ABŞ müdafiə naziri Lloyd Ostin martın 15-də telefonda PUA-nın vurulmasını müzakirə ediblər.

 

Tərcümə: Miri Məcidli