İsveç parlamenti ölkənin NATO-ya üzv olmasına icazə verən qanun layihəsini qəbul edib.

Oxu24.com xəbər  verir  ki, bu gün parlamentdə keçirilən səsvermədə NATO-ya üzvlük 269 əleyhinə 37 səslə təsdiqlənib.

Sol Partiya və Yaşılların Ətraf Mühit Partiyası NATO üzvlüyünün əleyhinə səs verib.

İsveçin NATO-ya üzv olması üçün Türkiyə və Macarıstanın icazəsi lazımdır. Hazırda 28 NATO ölkəsi Finlandiya və İsveçin NATO üzvlüyünü qəbul edib.

Xarici işlər naziri Tobias Billström parlamentdəki səsverməni "tarixi hadisə" kimi qiymətləndirib.

"İsveç kiberhücumlar, yeni texnologiyalar və kosmik tədqiqatlar kimi sahələrdə NATO-ya töhfə vermək üçün unikal imkanlara malikdir. İsveç etibarlı müttəfiq olacaq", - deyə  Billström bildirib.

Müdafiə naziri Pal Jonson da İsveçin NATO-ya hərbi inteqrasiyası üçün çox çalışdıqlarını bildirib.

Tərcümə: Miri Məcidli