Bayden Beynəlxalq Məhkəmənin  Putinlə bağlı qərarına münasibət bildirib

Bayden  Beynəlxalq Cinayət Məhkəməsinin Rusiya prezidenti Vladimir Putinin həbsi üçün order verməsi barədə münasibət bildirib.

ABŞ prezidenti Co Bayden Beynəlxalq Cinayət Məhkəməsinin Rusiya prezidenti Vladimir Putinə qarşı orderlə bağlı qərarını əsaslı adlandırıb.

Oxu24.com  xəbər  verir   ki,  bu barədə Reuters məlumat yayıb.

Bayden vurğulayıb ki, "Putin hərbi cinayətlər törədib", ona görə də məhkəmənin onun həbsinə order vermək qərarı haqlıdır.

Martın 17-də BCM-nin İstintaq Palatası Rusiya Prezidenti və Uşaq Ombudsmanı Mariya Lvova-Belovanın “əhalinin, xüsusən də uşaqların Ukraynadan qeyri-qanuni deportasiyası və köçürülməsində” iştirakı ilə bağlı həbs qərarı çıxarıb. Rusiya prezidentinin mətbuat katibi Dmitri Peskov bildirib ki, Kreml BCM-nin qərarını etibarsız hesab edir və bu məsələnin ortaya qoyulmasından qəzəblənir.

 

Tərcümə: Miri Məcidli