Özbəkistan vətəndaşı ABŞ-da ömürlük həbs cəzasına məhkum edilib

ABŞ-da terror aktı törəədn şəxsin cəzası məlum olub.

Oxu24.com  BBC-yə istinadən xəbər verir ki, 2017-ci ildə Nyu-Yorkda 8 nəfərin ölümü ilə nəticələnən terror aktı törədən Özbəkistan əsilli Saifullo Saipov ABŞ-da ömürlük həbs cəzasına məhkum edilib.

Prokurorluq təqsirli bilinən Saipova ölüm cəzası verilməsini tələb edib, Lakin buna nail olunmayıb.

Saipov 2010-cu ildə ABŞ-a köçüb. 31 oktyabr 2017-ci ildə o, kiçik yük maşını icarəyə götürərək onu velosiped yoluna çıxarıb. Ölən səkkiz nəfər arasında Argentinadan səfər edən beş dostdan ibarət bir qrup var .Hadisədə  12 nəfər yaralanıb. Saipovu qarnından güllələyən polislər saxlayıblar. Saipov onu "əsgərlərindən" biri adlandıran "İslam Dövləti" cihadçı qruplaşması adından hərəkət etdiyini iddia edib.

Saifullo Saipov qalan günlərini Kolorado ştatındakı ADX Florence federal həbsxanasında keçirəcək. Bu həbsxanada 2013-cü ilin aprelində Boston marafonunun finiş xəttində partlayışların təşkilinə görə ölüm cəzasına məhkum edilmiş Coxar Tsarnayev saxlanılır.

 

Tərcümə: Miri Məcidli