ABŞ kəşfiyyatı: Çin hipersəs silahlarında Rusiyanı qabaqlayır

Çin və Rusiya ABŞ əleyhinə güclənir.

Oxu24.com  Bloomberg-ə istinadən   xəbər verir ki, Pentaqonun Kəşfiyyat İdarəsinin analitik şöbəsinin baş tədqiqatçısı Pol Freistler bildirib ki, Çin hipersəs silahlarının hazırlanmasında Rusiyanı ötüb və Sakit Okeanda ABŞ bazalarını vura bilən sistemlərini yerləşdirə bilər.

“Həm Çin, həm də Rusiya hipersəs silahlarının çoxsaylı uğurlu sınaqlarını keçirsələr və ehtimal edilən əməliyyat sistemlərini keçirsələr də, Çin həm dəstəkləyici infrastruktura, həm də sistemlərin sayına görə Rusiyanı qabaqlayır”, - deyə  Freistler bildirib.

Amerikalı analitikin fikrincə, adi və nüvə hipersəs raketlərinin inkişafında kəskin sıçrayış intensiv, məqsədyönlü investisiya və təcrübə hesabına təmin edilir. Freistler qeyd edib ki, Çin hipersəs sürüşmə başlığına malik qitələrarası ballistik raket üzərində işləməkdə davam edir.

Kəşfiyyat rəsmisi, həmçinin Çin Aerodinamika Akademiyasının bəyanatına istinad edərək bildirib ki, onların 8, 10 və 12 Mach-da işləyə bilən ən azı üç külək tuneli var, Rusiyanın isə dənizdən buraxılan silah da daxil olmaqla, üç silah sistemi var. 

Çinin hipersəs arsenalına 1600 kilometr məsafə qət edə bilən hipersəs sürüşmə döyüş başlığına malik DF-17 orta mənzilli ballistik raket və həmçinin hipersəs sürüşmə döyüş başlığı daşıyan DF-41 ICBM daxildir.

 

Tərcümə: Nigar