Pakistan 5 terrorçu məhv edilib

Pakistanın Şimali Vəziristan və Cənubi Vəziristan bölgələrində baş verən qarşıdurmada təhlükəsizlik qüvvələri 5 yaraqlını zərərsizləşdirib.

Oxu24.com xarici mediaya istinadən xəbər verir ki, Pakistan ordusundan verilən açıqlamada təhlükəsizlik qüvvələrinin Şimali Vəziristan və Cənubi Vəziristan bölgələrində ayrı-ayrı əməliyyatlar həyata keçirdiyi bildirilib. Toqquşmalarda 5 yaraqlının zərərsizləşdirildiyi bildirilib.

Pakistan ordusunun bəyanatında yaraqlıların hansı təşkilata mənsub olduğu barədə məlumat verilməyib.

Martın 8-də Şimali Vəziristanda 9 yaraqlı zərərsizləşdirilib.

 

Son aylar Pakistanda, xüsusən də Hayber Paxtunxva və Bəlucistan əyalətlərində terror hücumları artıb.

İslamabad bildirir ki, bu hücumlar Əfqanıstanda yerləşən Pakistan Talibanı (TTP) tərəfindən planlaşdırılıb və idarə olunub. Əfqanıstan bu iddiaları rədd edir.

Yanvarın 30-da Pakistanın Peşəvər şəhərində günorta namazı zamanı məscidə intiharçı hücumu nəticəsində əksəriyyəti polis olmaqla 102 nəfər həlak olub.

Martın 6-da Bəlucistanda intiharçı hücumu nəticəsində 10 polis həlak olub.

 

Tərcümə: Miri Məcidli