Qazaxıstanın keçmiş müdafiə naziri  12 il müddətinə azadlıqdan məhrum edilib

Qazaxıstanda cinayət işləri üzrə ixtisaslaşdırılmış rayonlararası hərbi məhkəmə respublikanın keçmiş müdafiə naziri Murat Bektanovu 2022-ci ildə baş verən iğtişaşlar zamanı hərəkətsizliyə görə 12 il müddətinə azadlıqdan məhrum edib.

 

Oxu24.com xəbər  verir  ki, bu barədə aigenews.kz informasiya portalı məlumat yayıb.

“Bektanov Cinayət İşləri üzrə İxtisaslaşdırılmış Rayonlararası Hərbi Məhkəmənin 24 fevral tarixli hökmü ilə Qazaxıstan Respublikası Cinayət Məcəlləsinin 451-ci maddəsinin 3-cü hissəsi ilə təqsirli bilinərək, o, cəzası ilə 12 il müddətinə azadlıqdan məhrum edilib”, - portalın rəsmi sorğusuna ədliyyə orqanının cavabında deyilir.

 

2022-ci il yanvarın əvvəlində Qazaxıstanda kütləvi iğtişaşlar baş verib, onların iştirakçıları polisə və hərbçilərə hücum ediblər. Respublika prezidenti Kasım-Jomart Tokayev dövlət çevrilişinə cəhd elan edib və kömək üçün KTMT-yə müraciət edib. Yanvarın 7-də vəziyyət sabitləşdi, yanvarın 19-da bütün ölkədə fövqəladə vəziyyət ləğv edilib. Səlahiyyətlilərin məlumatına görə, bu hadisələr nəticəsində 238 nəfər ölüb, 4,5 mindən çox insan yaralanıb.

 

Miri Məcidli