Kanzas-Siti şəhərində ABŞ-ın ixrac nəzarətini pozaraq aviasiya texnologiyalarını Rusiyaya ötürən iki ABŞ vətəndaşı saxlanılıb.

Oxu24.com Reuters agentliyinə istinadən   xəbər verir ki, bu barədə ABŞ Ticarət Nazirliyinin nümayəndəsi Metyu Akselrod bildirib.

O qeyd edib ki, Ticarət Nazirliyi bu iş üzrə FTB və Ədliyyə Nazirliyi ilə əməkdaşlıq edir, lakin həbslərin təfərrüatlarını açıqlamayıb.

Onun sözlərinə görə, Ticarət Nazirliyinin nümayəndələri də ABŞ Baş Prokurorluğunun ofisi ilə əlaqə saxlayıblar.

İxrac nəzarəti məhdudiyyətləri ABŞ tərəfindən Rusiyanın hərbi məqsədlər üçün istifadə oluna biləcək texnologiyaya girişinin qarşısını almaq üçün qoyulur. Tədbirlər iqtisadiyyatın aerokosmik, müdafiə və dəniz sektorlarına yönəlib.

Tərcümə: Nigar