Rusiya Müdafiə Nazirliyi hücumla bağlı açıqlama yaydı

Fevralın 28-də gecə saatlarında Ukrayna  Krasnodar diyarı və Adıgey Respublikasında mülki infrastruktura hücum etmək üçün pilotsuz uçuş aparatlarından (PUA) istifadə etməyə cəhd edib.

Oxu24.com xəbər verir  ki, bu barədə Rusiya Müdafiə Nazirliyi məlumat yayıb.

“Rusiya Silahlı Qüvvələrinin elektron döyüş bölmələri PUA-ları aşkarlayıb. Hər iki dron məhv edilib. Bir PUA sahəyə düşüb, digəri trayektoriyadan çıxaraq hücuma məruz qalan mülki infrastruktur obyektinə düşüb”, -  deyə Müdafiə Nazirliyindən bildiriblər.

Müdafiə Nazirliyi hansı obyektlərin hücumun hədəfi olduğunu açıqlamayıb.

Fevralın 28-nə keçən gecə Krasnodar diyarının Tuapse şəhərindəki neft bazasında partlayışlar və yanğın baş verib.  Yanğın 200 kvadratmetr ərazini əhatə edib. 

Eyni zamanda, gecə saatlarında baza ərazisində pilotsuz uçuş aparatı müşahidə edilib. Burada Rosneft-in törəmə şirkəti olan Kubannefteprodukt obyekti də yerləşir.

 

Tərcümə: Miri Məcidli