Hələbdə 5,2 maqnitudada zəlzələ baş verib

Suriyanın Hələb əyalətində 5,2 maqnitudada zəlzələ baş verib.

Oxu24.com  SANA-ya istinadən xəbər verir ki, bu barədə Suriyanın Seysmoloji Mərkəzindən bildirilib.

Məlumata görə, yeraltı təkanlar əyalətin mərkəzi Hələb şəhərindən 239 km şimal-şərqdə qeydə alınıb.

Qeyd edək ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.

Güclü yeraltı təkanlardan sonra bölgədə 6,6 maqnitudayadək 10 000-dən çox afterşok qeydə alınıb. İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.

Təbii fəlakət Türkiyə və Suriyada böyük dağıntı və onminlərlə itkiyə səbəb olub. Türkiyənin zəlzələ baş verən 10 şəhərində 3 aylıq fövqəladə vəziyyət elan olunub.

Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.

 

Nigar