The Times: Ukrayna Baxmutu itirə bilər

Qərb və Ukrayna rəsmiləri Rusiya qüvvələrinin tədricən irəliləməsi fonunda Ukrayna Silahlı Qüvvələrinin (AFU) Donetsk vilayətinin Baxmut şəhərindən geri çəkilməsinə icazə verir.

 

Oxu24.com xəbər  verir   ki, bu barədə Britaniyanın “The Times” qəzeti mənbələrə istinadən məlumat yayıb.

Nəşrin yazdığına görə, Qərbdə və Ukraynada  başa düşürlər ki, şəhərdəki Ukrayna qoşunları tamamilə mühasirədə  və təchizat xətləri olmadan qala bilməz.

Bu baxımdan, onlar Ukrayna Silahlı Qüvvələrinin Baxmutdan geri çəkilmə ehtimalını irəli sürürlər.

 Qəzetin qeyd etdiyi kimi, Rusiya qüvvələrinin uğurları fonunda Ukrayna hakimiyyəti Baxmut uğrunda döyüşlərin əhəmiyyətini açıq şəkildə azaltmağa başlayıb.

Ukrayna prezidenti Vladimir Zelenski bir müddət əvvəl İtaliya mətbuatına müsahibəsində Ukraynanın Baxmutu müdafiə etməsinin vacib olduğunu, lakin ağlabatan olduğu müddətcə cəbhənin bu sektorunda mübarizə aparacağını bildirib.

 

Tərcümə: Miri Məcidli