İsrail Qəzzada HƏMAS-ın iki hərbi obyektini vurub (VİDEO)

İsrail qırıcıları yəhudi dövlətinin ərazisinə raket atəşinə tutulmasına cavab olaraq Qəzza zolağının şimalında və mərkəzində radikal Fələstinin Həmas təşkilatının silah anbarı və silah istehsalı sexi olan hərbi kompleksinə hücum edib.

Oxu24.com  xəbər  verir  ki,  bu barədə İsrail ordusunun mətbuat xidməti məlumat yayıb.

“Döyüşçülər Qəzza zolağının mərkəzi hissəsində yerləşən HƏMAS terror təşkilatına məxsus silah istehsalı müəssisəsinə hücum ediblər. Paralel olaraq HƏMAS terror təşkilatının Qəzza zolağının şimal hissəsində dəniz silahlarının anbarı kimi də istifadə edilən hərbi iqamətgahı vurulub”, - deyə məlumatda deyilir.

“Zərbələr bu gecə Qəzza zolağından İsrail ərazisinə raket zərbələri endirilməsinə cavab olaraq endirilib”, - mətbuat xidməti bildirib.

 

Tərcümə: Miri Məcidli