Banqladeşin Moskvadakı səfiri Kamrul Axsan Rusiya Xarici İşlər Nazirliyinə   çağırılıb.

Oxu24.com  xəbər verir ki, bu barədə Rusiya XİN məlumat yayıb.

“Görüş zamanı bir sıra aspektləri Rusiya tərəfini ciddi narahat edən Banqladeşlə əməkdaşlığın hazırkı vəziyyətini müzakirə etdik”, - Xarici İşlər Nazirliyinin bəyanatında qeyd edilib.

XİN xüsusilə diplomatik missiya rəhbərinin diqqətini ölkəsinin hakimiyyət orqanlarının Banqladeşə yük daşıyan Rusiya gəmilərinin limanlarına girişinə qadağa qoyması barədə qərarı ilə bağlı məlumatlara cəlb edib.

“Bu addım ənənəvi dostluq ikitərəfli münasibətlərinin xarakterinə uyğun gəlmir və müxtəlif sahələrdə əməkdaşlığımızın perspektivlərinə mənfi təsir göstərə bilər”, - məlumatda bildirilib.

Tərcümə: Miri Məcidli