Jurnalist Fabrizio Romano argentinalı hücumçu Lionel Messi ilə “PSJ” arasında danışıqların gedişindən danışıb.

OXU24.COM xəbər verir ki, onun fikirləri “Caught Offside” nəşrində yer alıb. 

“İndi müzakirənin ilkin mərhələsidir. Önümüzdəki həftələrdə yeni müqavilənin təfərrüatları, əmək haqqı, müqavilənin müddəti və daha çox şeyə qərar vermək üçün görüşlər keçiriləcək”, - Romano bildirib. O əlavə edib ki, argentinalı yalnız PSJ ilə danışıqlar aparır. 

"Barselona"dan ona təklif gəlməyib.

Fevralın 16-da məlum olub ki, idmançının atası və meneceri Xorxe Paris komandasının rəhbərliyi ilə görüşüb, lakin əməkdaşlığı davam etdirmək barədə razılığa gəlməyiblər. Messi getdikcə PSJ-dən ayrılıb ailəsi ilə birlikdə evi olan ABŞ-a köçməyə meyillidir. Romano klubun və menecerin bu görüşünü tanışlıq adlandırıb.

Messi 2021-ci ilin avqustunda PSJ ilə müqavilə imzalayıb. Bundan əvvəl o, karyerası boyunca "Barselona"da oynayıb, onunla on dəfə İspaniya çempionu, dörd dəfə Çempionlar Liqasının qalibi olub. Hücumçunun Fransa klubu ilə müqaviləsi 2024-cü ilin iyun ayına qədər bir mövsümlük uzadılma variantı ilə nəzərdə tutulub.