Məşhur müğənni Karsu Dönməz Niderlandda zəlzələ qurbanları üçün 88 milyon avro ianə toplayıb.

OXU24.COM Türkiyə mediasına istinadən xəbər verir ki, Kahramanmaraşda baş verən dəhşətli fəlakətdə yaxınlarını itirən ulduz, yaşadığı ölkədə böyük bir yardım kampaniyasına başlayıb. Canlı yayımlanan gecədə 88 milyon avro toplandığını öyrənən Karsu göz yaşlarına hakim ola bilməyib. O, ağlayaraq "Təşəkkür edirəm, Niderland" deyib.

Canlı yayımlanan yardım gecəsində Karsu "Neredesin sen" adlı türkünü səsləndirib, fonda isə zəlzələ görüntüləri yayımlanıb. Karsunun yanğılı ifası ekran qarşısında onu izləyən milyonlarla tamaşaçını göz yaşlarına boğub.

Məlumat üçün bildirək ki, sənətçinin zəlzələdə 16 qohumu dünyasını dəyişib