Çin lideri Ukraynadakı müharibənin ildönümü ilə bağlı bəyanat verəcək

Çin prezidenti Si Cinpin Rusiyanın Ukraynaya təcavüzünün ildönümündə çıxış etməyi planlaşdırır.

Oxu24.com Sky News-a istinadən xəbər verir ki, bunu İtaliyanın xarici işlər naziri Antonio Tajani deyib.

İtaliyalı diplomat bir gün əvvəl Çinin keçmiş xarici işlər naziri, hazırda ÇKP Mərkəzi Komitəsinin Xarici Əlaqələr Komissiyasının ofisinə rəhbərlik edən Vanq Yi ilə görüşüb.

Vanq Yi Antonio Tajaniyə bildirib ki, Çin lideri Ukraynada müharibənin başlanmasının ildönümü ilə bağlı bəyanatla çıxış etməyi planlaşdırır.

Pekin Rusiyaya qarşı sanksiyalara rəsmən qoşulmayıb.

Bu yaxınlarda Çinin Avropa İttifaqındakı yeni səfiri Fu Konq bildirib ki, Rusiyanın Ukraynaya genişmiqyaslı müdaxiləsi Çini “çox çətin vəziyyətə salıb” və Çinin Avropa ilə münasibətlərini “kəskin şəkildə gərginləşdirib”.

 

Tərcümə: Nigar