Şotlandiyanın birinci naziri istefa verib

Şotlandiyanın birinci naziri Nikola Sturgeon vəzifəsindən getdiyini açıqlayıb.

Oxu24.com xəbər verir  ki, bu barədə Sky News məlumat yayıb.

Sturgeon Edinburqda mətbuat konfransında deyib: "Bu gün mən birinci nazir və Şotlandiya Milli Partiyasının rəhbəri vəzifəsindən istefa vermək niyyətimi elan edirəm".

Eyni zamanda, o, onun yerinə yeni birinci nazir seçilənə qədər səlahiyyətlərini icra etməyə davam edəcəyini qeyd edib.

Sturgeon 2014-cü ildən Şotlandiyanın birinci naziri vəzifəsində çalışır. O, bu vəzifədə Aleks Salmonu əvəz edib.

Şotlandiya Milli Partiyasının lideri son vaxtlar bir sıra siyasi uğursuzluqlarla üzləşib.O, Şotlandiya Böyük Britaniya qanunlarına zidd olaraq, hüquqi cinsin dəyişdirilməsi yaşını aşağı salan qanun qəbul edib.

 

Tərcümə:Nigar