Pakistanın baş naziri Şərif həmrəylik nümayiş etdirmək üçün Türkiyəyə gəlir

Pakistanın baş naziri Şahbaz Şərif Kahramanmaraşda "əsrin fəlakəti" olaraq xarakterizə edilən zəlzələlərdən sonra həmrəylik nümayiş etdirmək üçün Türkiyəyə gələcək.

Oxu24.com Türkiyə mediasına istinadən xəbər  verir  ki, sabah Ankarada olması planlaşdırılan baş nazir Şərifin prezident Rəcəb Tayyib Ərdoğanla görüşü gözlənilir.

Zəlzələnin 3-cü günündə Türkiyəyə gələcəyini açıqlayan Şərif səfərini təxirə salıb.

Kahramanmaraşda baş verən zəlzələlərin çox dağıdıcı olduğunu dilə gətirən Şərif, "Türkiyə tarix boyu zəlzələ, sel və çətin anlarda bir ailə kimi Pakistanın yanında olduğu kimi, bu kədər anında da Türkiyənin yanındayıq" deyib.

Zəlzələ nəticəsində minlərlə insanın həyatını itirdiyini və əhəmiyyətli maddi itkilər olduğunu xatırladan Şərif, "Zəlzələ günü qardaşım Prezident Rəcəb Tayyib Ərdoğanla danışdım. O vaxtdan bəri hava və hava yolu ilə yardım göndərməklə məşğuluq." deyib.

Şərif Pakistan Hərbi Dəniz Qüvvələrinin komandanı admiral Məhəmməd Əmcəd Xan Niazinin Türkiyəyə böyük miqdarda yardım ləvazimatları göndərmək üçün gəmi təklif etdiyini bildirib və Pakistan Hərbi Hava Qüvvələri və Pakistan Beynəlxalq Hava Yollarının (PİA) Türkiyəyə personal daşımaqla məşğul olduğunu vurğulayıb.
 

Tərcümə: Miri Məcidli