Seysmoloji xidmətlər bazar ertəsi axşam Rusiyanın Kemerovo vilayətinin Taştagöl rayonunda 3,1-4,1 bal gücündə 3 təkan qeydə alıb.

Oxu24.com xəbər verir  ki, bu barədə  Rusiya Elmlər Akademiyasının Vahid Geofizika Xidmətinin Altay-Sayan bölməsinin saytında məlumat verilib.

"Seysmik hadisə ilə bağlı operativ məlumat: enlik - 53,09, uzunluq - 87,66, maqnituda - 4,1, episentrdə silkələnmə intensivliyi - 5 MSK64 bal", - məlumatda deyilir.

Xidmətin məlumatına görə, zəlzələ bazar ertəsi Bakı vaxtı ilə saat 18:22 və ya yerli vaxtla saat 21:22-də baş verib. Bir az sonra 3,1 və 3,6 bal gücündə daha iki təkan qeydə alınıb.

Dağıntı və tələfat barədə əməliyyat xidmətlərinə məlumat daxil olmayıb.

Siberian Generating Company-nin mətbuat xidməti Tom-Usinskaya QRES-in zəlzələnin episentrindən 100 km aralıda olduğunu bildirib. Mütəxəssislər bina və tikililərə baxış keçirib, dağıntı aşkar edilməyib.

Tərcümə: Nigar