ABŞ bu ölkələrdə terror aktları hazırlayır.

Oxu24.com Rusiya mediasına istinadən xəbər  verir  ki, Rusiya Federasiyası Xarici Kəşfiyyat Xidmətinin əldə etdiyi “mötəbər məlumatlara” görə, ABŞ ordusu Rusiya ərazisində və MDB ölkələrində terror aktları həyata keçirmək üçün “İŞİD" və Əl-Qaidə ilə əlaqəli cihadçı yaraqlıları fəal şəkildə cəlb edir.

“Rusiyanın Şimali Qafqaz və Mərkəzi Asiya ölkələrindən olan insanların əməkdaşlığa cəlb edilməsinə xüsusi diqqət yetirilir. Bu ilin yanvarında Yaxın Şərqdə döyüş əməliyyatlarında təcrübəsi olan 60 belə terrorçu seçilib. Onlar hazırda Suriyadakı Əl-Tanfdakı Amerika bazasında  təlim keçirlər.

Orada onlara əldəqayırma partlayıcı qurğuların hazırlanması və istifadəsi vərdişləri, eləcə də təxribat və təxribat fəaliyyətinin aparılması üsulları öyrədilir. Yaxşı mühafizə olunan obyektlərə, o cümlədən xarici diplomatik nümayəndəliklərə hücumların planlaşdırılmasına xüsusi diqqət yetirilir.

Yaxın vaxtlarda yaraqlıların kiçik qrupların tərkibində Rusiya və MDB dövlətlərinin ərazisinə köçürülməsinin həyata keçirilməsi planlaşdırılır. Onlara diplomatlara, dövlət qulluqçularına, hüquq-mühafizə orqanlarının əməkdaşlarına və hərbçilərə qarşı terror aktları hazırlamaq və həyata keçirmək tapşırılacaq.

Amerikalıların planına əsasən, onlar beynəlxalq terror qruplaşmalarının, o cümlədən Hizb-ut-Təhrir, Camaat Ənsarullah və Özbəkistan İslam Hərəkatının yeraltı hücrələri ilə əməkdaşlıq edərək müvafiq işləri həyata keçirəcəklər.

Tərcümə: Miri Məcidli