Yunanıstanlı nazir havadan zəlzələ baş verən əraziyə baxdı - VİDEO

"Əsrin fəlakəti" olaraq xarakterizə edilən Kahramanmaraş mərkəzli zəlzələlərdən sonra Hatay'a səfər edən Yunanıstan xarici işlər naziri Nikos Dendias zəlzələləri "tamamilə dağıdıcı" olaraq qiymətləndirib.

Oxu24.com xəbər  verir  ki, yunanıstanlı  nazir  Dendias zəlzələlərdən zərər çəkən Hatayda AA müxbirinə danışıb.

Bölgədə baş verən zəlzələləri "tamamilə dağıdıcı" adlandıran Dendias, "Türkiyə və Yunanıstan münasibətləri bərpa etmək üçün növbəti zəlzələni gözləməməlidir" deyib. 

Yunanıstan naziri Dendias zəlzələdən zərər çəkən Adanaya gedib. Xarici işlər naziri Mövlud Çavuşoğlu isə Yunanıstan xarici işlər nazirinin iki ölkə arasında yaşanan gərginliyə baxmayaraq Türkiyə ilə həmrəylik nümayiş etdirməyi hədəfləyən səfərini “əhəmiyyətli” kimi qiymətləndirib.

Çavuşoğlu çıxışında "Ölkələr arasında problemlər ola bilər. Yunanıstanla bir müddətdir həll olunmamış problemlərimiz var. Bəzən gərginlik görürük, amma biz həmişə çətin anlarda bir araya gələn iki ölkə olmuşuq" deyib.

Tərcümə: Nigar