Fevralın 11-nə keçən gecə Rusiya qoşunları Odessa vilayətində iki dəfə hava hücumu həyata keçirib.

Oxu24.com xəbər  verir  ki,  bu  barədə  Ukrayna Silahlı Qüvvələrinin “Cənub” Əməliyyat Komandanlığı məlumat yayıb.

Ukrayna Silahlı Qüvvələrindən bildiriblər ki, Moldova ilə həmsərhəd ərazilərdə kritik infrastruktur obyektlərinə “əhali arasında panika yaratmaq” məqsədilə hücum edilib.

Medianın məlumatına görə, ilan adasına dörd hava bombası atılıb, Odessa vilayətinin sahil zonası üç gəmi əleyhinə raketlə hücuma məruz qalıb. Ölən və yaralananlar olmayıb.

Ötən axşam “Cənub” Əməliyyat Komandanlığı Rusiya ordusunun Ukraynanın cənub vilayətlərində mühüm infrastruktur obyektlərinə pilotsuz təyyarələrlə hücum etdiyini bildirib.

2022-ci il fevralın 24-dən İlan  adası Ukraynanın işğalı çərçivəsində rus qoşunlarının nəzarətinə keçib. 30 iyun Ukraynanın vurduğu zərbələrdən sonra ruslar adanı tərk edib.

Tərcümə: Miri Məcidli