Yaponlar türklərə yardıma gəlir

Yaponiya "Əsrin fəlakəti" olaraq xarakterizə edilən Kahramanmaraş mərkəzli zəlzələlərdən zərər çəkənlərə yardımda iştirak edəcək Özünümüdafiə Qüvvələrinin (SDQ) şəxsi heyətini və təyyarəsini Türkiyəyə göndərəcək.

 

Oxu24.com Türkiyə mediasına  istinadən   xəbər  verir  ki,  SDQ əməkdaşları fevralın 6-da baş vermiş zəlzələlərdən sonra sahədə fəal olan təşkilatlarla koordinasiya aparacaq və təyyarə ilə bölgələrə tibbi ləvazimatlar daşınacaq.

 

Yaponiyanın xarici işlər naziri Hayaşi Yoşimasa da keçirdiyi mətbuat konfransında zəlzələ bölgələrində işləmək üçün Türkiyəyə tibbi heyətin göndərilməsinə qərar verildiyini açıqlayıb.

 

Tərcümə:Aynurə Məcidova