Kiyevdə güclü partlayış: Ölən var

Kiyevdə ölümlə nəticələnən partlayış olub.

Oxu24.com Ukrayna mediasına  istinadən xəbər verir  ki,Partlayış Kiyevin Darnitski rayonunda keçmiş zavodun ərazisində baş verib.

Bu barədə şəhərin meri Vitali Kliçko özünün Teleqram kanalında məlumat verib.

"Paytaxtın Darnitski rayonunda keçmiş zavodun ərazisində partlayış baş verib. Dağıntılar altında insanlar ola bilər. Bütün xidmətlər yoldadır.Məlumat dəqiqləşdirilir", -  deyə o yazıb. .

Kliçkonun sözlərinə görə, partlayış “birmərtəbəli anbarda baş verib, nəticədə 500 kvadratmetr sahədə bina dağılıb”.

Kiyev şəhər hərbi administrasiyasının məlumatına görə, keçmiş zavodun ərazisində qaz balonu partlayıb.

Daha sonra şəhər rəhbərliyi partlayış nəticəsində bir nəfərin öldüyünü, üç nəfərin yaralandığını bildirib.

"Darnitski rayonunda keçmiş fabrikin ərazisində baş verən partlayış nəticəsində bir nəfər ölüb. Daha üç nəfər dağıntılar altından xilas edilib. Onlara tibbi yardım göstərilir", - şəhər administrasiyası Telegram kanalında bildirib.

Xilasedicilər dağıntıları təmizləyirlər.

 

Tərcümə:Nigar