Zelenski Makronla görüşəcək

Ukrayna prezidenti Vladimir Zelenski Böyük Britaniyaya səfərini başa vurduqdan sonra axşam Parisə gələcək və Fransa prezidenti Emmanuel Makronla görüşəcək.

Oxu24.com  xəbər  verir  ki, bu barədə mənbələrə istinadən BFM telekanalı məlumat yayıb.

Bu səfər Zelenskinin cümə axşamı, fevralın 9-da Brüsseldə açılacaq Aİ sammitində iştirakından əvvəldir.

Onun Fransadakı görüşlərinin proqramının təfərrüatları təhlükəsizlik səbəbi ilə açıqlanmır.

Bazar ertəsi Avropa Şurası Ukrayna prezidenti Vladimir Zelenskinin Aİ sammiti üçün Brüsselə dəvətini təsdiqləyib.

Daha əvvəl Britaniyanın “Financial Times” qəzeti mənbələrə istinadən yazıb ki, Zelenski bu həftənin sonunda Aİ sammitində şəxsən iştirak etmək, həmçinin Avropa Parlamentinin xüsusi iclasında çıxış etmək niyyətindədir.

 

Tərcümə: Nigar