Aİ-nin Rusiyaya qarşı yeni sanksiyalar paketinin təfərrüatları açıqlanıb

Aİ-nin Rusiyaya qarşı sanksiyalarının onuncu paketi yeni iqtisadi tədbirləri əhatə etməyəcək, əksinə, artıq tətbiq edilmiş məhdudiyyətlərdəki boşluqları dolduracaq.

 

Oxu24.com xəbər  verir  ki, bu barədə diplomatlara istinadən “Politico” qəzeti yazıb.

 

Qəzetin bir neçə həmsöhbətinin fikrincə, iqtisadi sanksiyalar baxımından söhbət “real paket”dən deyil, mövcud məhdudiyyətlərin tənzimlənməsindən gedir, çünki yeni tədbirlər paketinə “əlavə etməyə çox şey qalmayıb”.

 

Avropa Komissiyasının rəhbəri Ursula fon der Leyen daha əvvəl bildirmişdi ki, Brüsselin fevralın 24-dək tətbiq etməyi planlaşdırdığı Aİ-nin Rusiyaya qarşı onuncu sanksiyalar paketi 10 milyard avroya məhdudiyyətlər nəzərdə tutur.

 

Onun sözlərinə görə, Aİ-nin yeni paketi əvvəlki sanksiyalar paketlərində mövcud olan boşluqları da aradan qaldıracaq.

 

Tərcümə: Nigar