Miqrant qayığında meyitlər tapılıb.
Oxu24.com xəbər verir ki,İtaliya mətbuatında yer alan xəbərlərə görə, sahil mühafizə qrupları bir qayıqda 8 miqrantı ölü tapıb və 40-a yaxın miqrant xilas edilib.
ANSA xəbər agentliyi xilasedicilərin sağ qalanları Siciliyanın cənubundakı Lampeduzadakı əsas limana apardığını bildirib.
İtalyan səlahiyyətliləri 3 fərqli qayıqdan 156 nəfəri Avropaya çatmağa çalışan insanların əsas giriş nöqtələrindən biri olan Lampeduzaya daşıyıb.
İtaliya Şimali Afrikadan gələn qeyri-qanuni miqrantların sayının artması ilə üzləşir.
Daxili İşlər Nazirliyinin məlumatına görə, 2022-ci ildə dəniz yolu ilə İtaliyaya təxminən 105 140 miqrant gəlib, 2021-ci ildə 67 477 və 2020-ci ildə 34 154 miqrant olub.
Birləşmiş Millətlər Təşkilatının hesablamalarına görə, 2022-ci ildə Aralıq dənizinin mərkəzini keçməyə çalışan təxminən 1400 miqrant həlak olub.
Tərcümə: Miri Məcidli
Oxu24.com
ŞƏRHLƏR