Norveç Quranı yandırmaq kampaniyasını qadağan edib

Norveç hakimiyyəti cümə günü, fevralın 3-nə planlaşdırılan Quranın yandırılması aksiyasını qadağan edib.

 

Oxu24.com xəbər  verir  ki, bu barədə cümə axşamı Türkiyənin xarici işlər naziri Mövlud Çavuşoğlu bildirib.

 

"Sabah Norveçdə müqəddəs kitabımız - Qurana qarşı keçirilməsi planlaşdırılan aksiya ilə bağlı məlumat aldıqdan sonra Norveçin Ankaradakı səfirini nazirliyə çağırdıq. Norveç hakimiyyəti aksiyanın keçirilməsinə icazəni ləğv etdi", - türkiyəli nazir bildirib.

 

Cümə axşamı səhər saatlarında Norveçin Ankaradakı səfiri Erlinq Skonsberqin Türkiyə Xarici İşlər Nazirliyinə çağırıldığı və Türkiyənin Oslodakı səfirliyində Quranı yandırmaq üçün planlaşdırılan aksiyaya görə ona etiraz edildiyi bildirilmişdi. Ona həmçinin bildirilib ki, Ankara “Norveç hakimiyyətinin bu aksiyaya qadağa qoymasını gözləyir”.

 

Tərcümə: Nigar