Ukrayna enerjiyə dəstək üçün 144 milyon avrodan çox vəsait alıb

Ukrayna enerji sektorunu dəstəkləmək üçün Qərb tərəfdaşlarından 144 milyon avrodan çox vəsait alıb.

 

Oxu24.com  xəbər  verir  ki, bu barədə Ukrayna Nazirlər Kabinetinin mətbuat xidməti məlumat yayıb.

“2023-cü il fevralın 1-nə Ukraynanın Enerjiyə Dəstək Fonduna 144,36 milyon avro vəsait daxil olub.

 

Donorlar Almaniya, Böyük Britaniya, İspaniya, Avstriya, Danimarka, Avropa Komissiyası, Almaniyanın dövlət bankı KfW, Enerji Tənzimləyicilərinin Regional Assosiasiyası (ERRA), Regional Enerji və İnfrastruktur Əməkdaşlıq Fondu (REKK) olub.

 

Bu vəsaitin 108 milyon avrosu Ukrayna enerji şirkətlərinin kritik ehtiyaclarını ödəmək üçün enerji avadanlığı, yanacaq və xidmətlərin alınmasına yönəldilib.

 

Ukrayna hakimiyyətinin məlumatına görə, ölkənin enerji infrastrukturunun 50%-i məhv edilib. 2022-ci il dekabrın 9-da Ukraynanın baş naziri Denis Şmıxal bütün istilik və su elektrik stansiyalarının və yüksək gərginlikli şəbəkə obyektlərinin 40%-nin müxtəlif dərəcədə zədələndiyini bildirib.

 

Təcümə: Nigar