İsrail Ukraynaya gizli yardım etdiyini etiraf edib

Oxu24.com xəbər  verir  ki, İsrailin Almaniyadakı səfiri Ron Prosor “Ostthuringer Zeitung” qəzetinə müsahibəsində deyib ki, İsrail “pərdəarxası” Ukraynaya ictimaiyyətə məlum olduğundan daha geniş miqyasda yardım edir.

 

Prosorun sözlərinə görə, bu, İsrail tərəfindən göstərilən yardımın yalnız bir hissəsidir.

 

“İsrail ordusu mütəmadi olaraq İrandan Suriya və Livana silah, o cümlədən Rusiyanın Ukraynada istifadə etdiyi İran pilotsuz təyyarələri və raketlərin tədarükünə mane olur”, - deyə diplomat bildirib.

 

O, etiraf edib ki, İsrail nə İranın pilotsuz təyyarələrinin axınına mane ola, nə də açıq hərbi yardıma keçə bilər.

 

“O qədər də asan deyil. Ruslar Suriyadadır. Bundan əlavə, bizim Rusiyada böyük bir yəhudi icması var. Bu, bizim məsələlərə ehtiyatlı  yanaşmağımız  üçün iki əsas səbəbdir”, -  deyə Prosor bildirib.

 

Tərcümə: Miri Məcidli