Bayden göstəriş verdi:  Bilal əl-Sudani məhv edildi

ABŞ  prezidenti  Co Baydenin göstərişi ilə Somalidə həyata keçirilən hərbi  əməliyyat  zamanı İslam Dövləti qruplaşmasının (İŞİD) əsas regional lideri Bilal əl-Sudani öldürülüb.

 

Oxu24.com xəbər  verir  ki,  bu  barədə  Amerikanın Səsi Pentaqon rəsmilərinə istinadən məlumat yayıb.

 

Rəsmilərin bildirdiyinə görə, Əl-Sudani ABŞ hərbçiləri Somalinin şimalındakı dağlıq bölgəyə onu ələ keçirməyə cəhd etdikdən sonra atışmada öldürülüb.

Rəsmi məlumatlara görə, İŞİD-in 10-a yaxın sudanlı əməkdaşı hadisə yerində öldürülüb, lakin amerikalılardan xəsarət alan olmayıb.

“Yanvarın 25-də prezidentin göstərişi ilə ABŞ ordusu Somalinin şimalında hücum əməliyyatı həyata keçirib və nəticədə Bilal əl-Sudani də daxil olmaqla bir sıra İD üzvünün öldürülməsi ilə nəticələnib”, – deyə  ABŞ müdafiə naziri Lloyd Ostin bildirib.

 “Əs-Sudani İŞİD-nin Afrikada artan mövcudluğunu möhkəmləndirən və qrupun bütün dünyada, o cümlədən Əfqanıstandakı əməliyyatlarını maliyyələşdirməkdən məsul şəxs  idi”,- deyə açıqlamada qeyd olunub.

ABŞ administrasiyasının adının açıqlanmasını istəməyən rəsmisi bildirib ki, Somalinin şimalındakı dağlıq bazadan əl-Sudani təkcə qrupun Afrikadakı filialları üçün deyil, həm də Əfqanıstanda fəaliyyət göstərən Xorasan İslam Dövləti bölməsi üçün maliyyə yardımını koordinasiya edib.

Əs-Sudaninin gizləndiyi ərazini təkrarlamaq üçün tikilmiş xüsusi ərazidə ABŞ hərbçiləri terrorçunu ələ keçirmək üçün məşq etməklə, əməliyyat aylardır hazırlıq mərhələsində idi. Mənbə bildirib ki, Bayden bu həftə yüksək səviyyəli müdafiə, kəşfiyyat və təhlükəsizlik rəsmiləri ilə məsləhətləşdikdən sonra əməliyyata icazə verib.

 

Tərcümə: Miri Məcidli