Alla  Puqaçovanın oxuduğu məktəbin direktorunu qarət etdilər

Fırıldaqçılar Alla Puqaçovanın oxumağa başladığı Taqankada yerləşən 31 saylı Moskva musiqi məktəbinin keçmiş direktorundan 13 min rubl pul alıblar.

Oxu24.com-un REGNUM xəbər agentliyinnə istinadən  məlumatına görə, 86 yaşlı İrina Zyuvanova cinayətkarların qurbanı olub.

Yaşlı qadına naməlum nömrədən zəng gəlib və onu gəlirli investisiya etmək üçün təcili olaraq başqa hesablara pul köçürməyə inandırmağa başlayıblar.

Əvvəlcə bir kişi ona zəng edib və investisiya qoymağa inandırmağa başlayıb. İrina Mixaylovna imtina edib, lakin başqa nömrələrdən gələn zənglərdən sonra onu inandırmağa nail olublar.

Qadın bütün bunların fırıldaqçıların hiyləsi olduğundan şübhələnib. Ancaq bir gün bir qız təqaüdçüyə zəng edib. Bundan sonra təqaüdçü qadın həmin qızın hesabına 13 min rubl ödəyib.

Polis hadisə ilə bağlı araşdırmalara başlayıb.

 

Tərcümə: Nigar