ABŞ  xüsusi təyinatlısı Ukraynada həlak olub

ABŞ Hərbi Dəniz Qüvvələrinin (SEAL) keçmiş əsgəri Daniel Svift yanvarın 18-də Ukraynada döyüş zamanı həlak olub.

Oxu24.com xəbər  verir  ki, bu barədə ABŞ Hərbi Dəniz Qüvvələrinin nümayəndəsinə istinadən CNN məlumat yayıb.

Svift 2005-ci ildə SEAL-lərə qoşulub və İraq və Əfqanıstanda xidmət edib. 2019-cu ildə o, ABŞ ordusundan gedib.

ABŞ Hərbi Dəniz Qüvvələrinin nümayəndəsi bildirib ki, Sviftin Ukraynaya necə düşdüyü barədə məlumatı yoxdur.

Svift döyüşlərdə Ukrayna qüvvələrinin tərəfində iştirak edib. Amerika hakimiyyətinin nümayəndələri şəxsi məlumatların məxfiliyi səbəbindən onun ölüm yeri və şəraiti barədə məlumat verməyib.

SEAL bölməsi ABŞ Silahlı Qüvvələrinin ən elit xüsusi təyinatlı birliyi hesab olunur.

 

Tərcümə: Miri Məcidli