ABŞ Ermənistandakı səfirini Rusiyaya göndərdi - FOTO

ABŞ-ın Rusiyaya təyin edilən yeni səfiri Lin Treysi yanvarın sonunda Moskvaya gələcək.

Oxu24.com  xəbər  verir  ki,  bu  barədə  RBC mənbələrə istinadən məlumat yayıb.

“ABŞ-ın yeni səfiri ayın sonunda Moskvaya gələcək”, - nəşrin həmsöhbəti bildirib.

Hələlik Vaşinqtonun Moskvadakı maraqlarını ABŞ-ın müvəqqəti işlər vəkili Elizabet Rude təmsil edir.

Əvvəlki səfir Con Sallivan sentyabrda Rusiyanı tərk edib. O, üç il vəzifədə qalıb.

Treysi dekabrın 21-də vəzifəyə təyin olunub. O, ABŞ-ın Rusiyadakı ilk qadın səfiri olub.

Diplomatın 58 yaşı var, 1987-1990-cı illərdə SSRİ-də Amerika diplomatik missiyasında işləyib, 1994-cü ildən Dövlət Departamentində işə başlayıb. Türkmənistanda, Qırğızıstanda, Əfqanıstanda səfirlikdə çalışıb, Amerika Xarici İşlər Nazirliyinin strukturlarında müxtəlif vəzifələrdə çalışıb. 2006-cı ildə Pakistanda baş konsul, 2010-2011-ci illərdə Aşqabadda səfir müavini olub.

2011-ci ildə Treysi ABŞ Milli Təhlükəsizlik Şurasında Mərkəzi Asiya üzrə direktor vəzifəsini tutub, sonra dövlət katibinin Cənubi və Mərkəzi Asiya məsələləri üzrə köməkçisinin müavini, 2014-2017-ci illərdə isə Moskvadakı səfirin müavini olub. 2019-2022-ci illərdə ABŞ-ın Ermənistandakı səfiri olub.

Tərcümə: Miri Məcidli