Britaniya kəşfiyyatı "Wagner" haqda  məlumatları  açıqladı

Britaniya kəşfiyyatının hesabatına görə, Ukraynada 50 minə yaxın “Vaqner” döyüşür ki, bu da PMC-nin kuratoru Yevgeni Priqojinin bu müharibədə rolunu vacib edir.

Oxu24.com xarici mediaya istinadən  xəbər  verir ki, Britaniya kəşfiyyatı bildirir ki, Rusiyada özəl orduların qadağan edildiyini nəzərə alsaq, Priqojin, ehtimal ki, şirkətləri üçün dövlət müqavilələri ilə manipulyasiya edərək qoşunlarını maliyyələşdirir.

Beləliklə, dekabrın 27-də Rusiyanın Vahid Dövlət Reyestri Wagner PMC-nin rəsmi olaraq hüquqi şəxs kimi qeydiyyata alındığını göstərdi. Qrup əsas fəaliyyətini "idarəetmə konsaltinq" kimi elan etdi.

Hesabatda qeyd olunur ki, qeydiyyat “ənənəvi qeyri-şəffaf qrupun ictimai profilinin təəccüblü sürətlə inkişaf etdiyini” nümayiş etdirir.

Belə ki, Priqojin yalnız 2022-ci ildə Vaqner PMC-ni qurduğunu etiraf edib və oktyabrda Sankt-Peterburqda Vaqner Mərkəzinin baş ofisini açıb.

“Vaqner Mərkəzinin PMC strukturunun Vaqnerin hərbiləşdirilmiş fəaliyyətini idarə etmək üçün nə dərəcədə istifadə ediləcəyi hələlik bəlli deyil”, - kəşfiyyat bildirib.

“Qeydiyyatdan keçmək, çox güman ki, Priqojinin kommersiya qazancını artırmaq və getdikcə daha çox tanınan təşkilatı qanuniləşdirmək məqsədi daşıyır”, - hesabatda deyilir.

 

Tərcümə: Nigar