Türkiyə beynəlxalq qaz qovşağının infrastrukturunu sürətlə hazırlayır

Cümhuriyyətin yaranmasının ildönümü ərəfəsində, eləcə də iqtisadi böhran və inflyasiya fonunda Türkiyə xərclərdən asılı olmayaraq, ölkəni beynəlxalq qaz mərkəzinə çevirmək üçün infrastrukturu hazırlamaq işini sürətləndirməyə başlayır.

 

Oxu24.com  xəbər   verir  ki, bu barədə yerli “Anadolu” xəbər agentliyi məlumat yayıb.

 

Qeyd olunur ki, Türkiyənin üçüncü üzən reqazifikasiya qurğusu  Aralıq dənizinə daxil olub.

O, Türkiyənin BOTAŞ şirkətinin Egey dənizindəki Saros körfəzindəki mayeləşdirilmiş təbii qaz  terminalında istifadə olunacaq.

Agentlik bildirir ki, LNG anbarının ümumi tutumu 180 min kubmetr, tədarük gücü isə sutkada 28 milyon kubmetr qaz təşkil edir. Bu çox deyil, amma qovşağın yaradılmasını və tənqidin zirvəsində olan prezident Rəcəb Tayyib Ərdoğanın böyük qələbəsini elan etmək üçün kifayət qədərdir.

 

Tərcümə: Nigar