Putinlə Ərdoğan danışdı

Rusiya prezidenti Vladimir Putin Türkiyə lideri Rəcəb Tayyib Ərdoğanla telefon danışığı aparıb.

Oxu24.com xəbər  verir   ki,  Kremldən verilən məlumata görə, Onlar Ukrayna ilə məhbus mübadiləsi və Türkiyədə regional qaz qovşağının yaradılmasını müzakirə ediblər.

“Hər iki tərəf Rusiya-Türkiyə əməkdaşlığını daha da hərtərəfli inkişaf etdirmək niyyətini təsdiqləyib. Prioritetlər arasında enerji sektorunda əməkdaşlıq, o cümlədən Rusiya təbii qazının tədarükü və Türkiyədə regional qaz qovşağının yaradılması var”, - Kremlin saytında deyilir.

Söhbət zamanı tərəflər Ukraynadakı vəziyyəti də müzakirə ediblər. Söhbət həm də əsirlərin, xüsusən də yaralıların mübadiləsindən gedib.

Eyni zamanda Vladimir Putin Ukrayna hakimiyyətinin “dağıdıcı xəttini” pisləyib. Qərbin Kiyevə silah və hərbi texnika tədarükünün artırılması mövzusuna toxunub. Rusiya prezidenti həmçinin Ukraynanın Milad atəşi razılaşmasından imtinasını ikiüzlülük adlandırıb. “Kiyevin ikiüzlü siyasətinə misal olaraq, pravoslav Milad bayramı zamanı atəşkəsin dayandırılması təklifinin rədd edilməsi göstərilib”, - bəyanatda deyilir.

Vladimir Putin və Rəcəb Tayyib Ərdoğan taxıl müqaviləsinin həyata keçirilməsini və Türkiyə-Suriya münasibətlərinin normallaşdırılmasını müzakirə ediblər. Belə ki, dövlət başçıları Türkiyə tərəfinin Rusiya, Türkiyə və Suriya nümayəndələrinin iştirakı ilə məsləhətləşmələrə başlamaq təşəbbüsünü nəzərdən keçiriblər.

 

Tərcümə: Miri Məcidli